Premyer Liqa: "Zirə" "Turan Tovuz"a qalib gəlib

21:58

Futbol üzrə Misli Premyer Liqasının XXXIII turuna bu gün bir oyunla start verilib.

"Zirə" açılış matçında "Turan Tovuz"a qalib gəlməklə (1:0) gümüş medalları təmin edib.

Hesabı 48-ci dəqiqədə Salifu Suma açıb. 59-cu dəqiqədə Qismət Alıyev birbaşa qırmızı vərəqə ilə meydandan qovulsa da, "Zirə" qələbə hesabını sonadək qoruyub.

Avrokuboklara vəsiqəni əvvəlki turlarda təmin edən Rəşad Sadıqovun komandası xallarının sayını 67-yə çatdırıb. Tovuz təmsilçisi 49 xalla dördüncü pillədə qərarlaşıb.

Qeyd edək ki, XXXIII tura mayın 4-də yekun vurulacaq.

***

09:18

Futbol üzrə Misli Premyer Liqasının XXXIII turuna bu gün start veriləcək.

Açılış oyununda "Zirə" "Turan Tovuz"la üz-üzə gələcək.

Qarşılaşma saat 20:00-da start götürəcək. Avrokuboklara vəsiqəni əvvəlki turlarda təmin edən Bakı klubu 64 xalla ikinci pillədə qərarlaşıb. Tovuz təmsilçisi 49 xalla dördüncüdür.

Misli Premyer Liqası

IV dövrə, XXXIII tur

2 may

20:00. “Zirə” – “Turan Tovuz”
Hakimlər: Rəvan Həmzəzadə, Cəmil Quliyev, Namiq Hüseynov, Əli Əliyev.
VAR: Rəşad Əhmədov.
AVAR: Eyyub İbrahimov.
Hakim-inspektor: Munis Abdullayev.
AFFA nümayəndəsi: Rüfər Əmirov.
Zirə İdman Kompleksinin stadionu

Qeyd edək ki, tura mayın 4-də yekun vurulacaq.