Premyer Liqa: XIII turun daha iki oyunu keçirilib

21:30

Misli Premyer Liqasının XIII turunda "Sabah" "Kəpəz"lə heç-heçə edib.

"Bank Respublika Arena"da baş tutan görüşdə qalib müəyyənləşməyib - 2:2.

Hesabı qonaqlar açıb. 4-cü dəqiqədə Orxan Əliyev dəqiq zərbə müəllifi olub. 32-ci dəqiqədə o, növbəti dəfə adını tabloya yazdırıb. O.Əliyev bu dəfə avtoqolla yadda qalıb. 73-cü dəqiqədə Kahim Parris "bayquşlar"ı hesabda irəli çıxarsa da, final fitinə 1 dəqiqə qalmış Nicat Süleymanov qərb təmsilçisini məğlubiyyətdən xilas edib.

Turnir cədvəlində "Sabah" 18 xalla beşinci, "Kəpəz" isə 7 xalla sonuncu sırada qərarlaşıb.

Qeyd edək ki, turun əvvəlki oyunlarında "Neftçi" "Şamaxı" (2:2) ilə, "Səbail" isə "Turan Tovuz"la (1:1) heç-heçə edib.

***

19:21

Futbol üzrə Misli Premyer Liqasında XIII turun növbəti oyunu keçirilib.

Günün ikinci matçında "Səbail" doğma meydanda "Turan Tovuz"u qəbul edib. Görüş 1:1 hesablı heç-heçə ilə yekunlaşıb.

Bu nəticədən sonra xallarını 25-ə çatdıran Tovuz təmsilçisi ikinci, Bakı klubu isə 7 xalla doqquzuncu pillədə qərarlaşıb.

Turun ilk qarşılaşmasında "Neftçi" "Şamaxı" ilə 2:2 hesablı heç-heçəyə razılaşıb.

Qeyd edək ki, turun digər oyunları noyabrın 9-10-da təşkil olunacaq.

***

10:15

Bu gün Misli Premyer Liqasında XIII turun daha iki oyunu keçiriləcək.

Günün ilk matçında "Səbail" "Turan Tovuz"la qarşılaşacaq.

"ASCO Arena"da baş tutacaq görüş saat 17:00-da start götürəcək.

Növbəti qarşılaşma isə "Sabah" və autsayder "Kəpəz" arasında oynanılacaq.

Saat 19:30-da başlayacaq duel "Bank Respublika Arena" gerçəkləşəcək.

Turnir cədvəlində "Turan Tovuz" 25 xalla üçüncü, "Sabah" 17 xalla beşinci, "Səbail" 7 xalla doqquzuncu, "Kəpəz" isə 6 xalla sonuncu sırada qərarlaşıb.

Misli Premyer Liqası
II dövrə, XIII tur
9 noyabr

17:00. “Səbail” – “Turan Tovuz”
Hakimlər: İnqilab Məmmədov, Namik Hüseynov, Müslüm Əliyev, Elvin Bayramov.
VAR: Tural Qurbanov.
AVAR: Elşad Abdullayev.
Hakim-inspektor: Zöhrab Qədiyev.
AFFA nümayəndəsi: Namiq Əliyev.
"ASCO Arena".

19:30. “Sabah” – “Kəpəz”
Hakimlər: Əliyar Ağayev, Zeynal Zeynalov, Akif Əmirəli, Əkbər Əhmədov.
VAR: Rəşad Əhmədov.
AVAR: Eyyub İbrahimov.
Hakim-inspektor: Orxan Məmmədov.
AFFA nümayəndəsi: Eldəniz Musayev.
"Bank Respublika Arena".

Qeyd edək ki, turun açılış oyununda "Neftçi" "Şamaxı" ilə heç-heçə edib - 2:2.