Premyer Liqa: "Zirə" növbəti qələbəsini qazanıb

17:05

"Zirə" Misli Premyer Liqasında növbəti qələbəsini qazanıb.

Rəşad Sadıqovun baş məşqçisi olduğu kollektiv XII turda "Şamaxı"nın qonağı olub.

Qarşılaşma paytaxt təmsilçisinin qalibiyyəti ilə bitib - 2:0. 33-cü dəqiqədə Junior Martins, 63-cü dəqiqədə Ruan Renato fərqlənib.

Qələbə sayəsində xallarını sayını 20-yə çatdıran "qartallar" hələlik dördüncü pillədə qərarlaşıb. Meydan sahibləri 12 xalla altıncı sıradadır.

Qeyd edək ki, ötən gün "Neftçi" evdə "Araz-Naxçıvan"a uduzub - 0:1. "Turan-Tovuz" - "Qarabağ" matçında isə qol vurulmayıb. Turun digər iki qarşılaşması noyabrın 3-də gerçəkləşəcək.

***

10:06

Bu gün Misli Premyer Liqasının XII turunda "Zirə" "Şamaxı"nın qonağı olacaq.

Günün yeganə matçı Şamaxı şəhər stadionunda təşkil ediləcək.

Qarşılaşma saat 15:00-da start götürəcək.

Paytaxt təmsilçisi 17 xalla dördüncü, meydan sahibləri 12 xalla altıncı pillədə qərarlaşıb. Hər iki komandanın ehtiyatda daha bir oyunu var.

Azərbaycan Premyer Liqası, XII tur

2 noyabr

15:00. “Şamaxı” – “Zirə”

Hakimlər: İnqilab Məmmədov, Namik Hüseynov, Rahil Ramazanov, Fərid Hacıyev.

VAR: Rəşad Əhmədov.

AVAR: Eyyub İbrahimov.

Hakim-inspektor: İmanxan Sultani.

AFFA nümayəndəsi: Mübariz Hüseynov.

Şamaxı şəhər stadionu

Qeyd edək ki, ötən gün "Neftçi" evdə "Araz-Naxçıvan"a uduzub. "Turan-Tovuz" - "Qarabağ" matçında isə qol vurulmayıb. Turun digər iki qarşılaşması noyabrın 3-də gerçəkləşəcək.