"Araz-Naxçıvan" növbəti qələbəsini qazanıb

18:55

"Araz-Naxçıvan" Misli Premyer Liqasında növbəti qələbəsini qazanıb.

Elmar Baxşıyevin baş məşqçisi olduğu kollektiv XIV turda "Kəpəz"lə üz-üzə gəlib.

Qarşılaşma 2:0 hesabı ilə yekunlaşıb.

25-ci dəqiqədə Felipe Santos fərqlənib. 86-cı dəqiqədə Bernardo Dias ikinci qolun müəllifi olub.

Bu nəticədən sonra xallarının sayını 33-ə çatdıran "Araz-Naxçıvan" birinci pillədə qərarlaşıb. 7 xalı olan "Kəpəz" sonuncu - onuncudur.

Qeyd edək ki, turun digər oyunları noyabrın 23-24-də keçiriləcək.

***

09:32

Misli Premyer Liqasında XIV tura bu gün start veriləcək.

Turun ilk oyun günündə bir qarşılaşma baş tutacaq.

"Kəpəz" Tovuz şəhər stadionunda "Araz-Naxçıvan"ı qəbul edəcək. Görüş saat 17:00-da başlayacaq. Hazırda Gəncə təmsilçisi turnir cədvəlində 7 xalla 10-cu pillədə qərarlaşıb. 30 xala malik Naxçıvan klubu isə ikincidir.

Misli Premyer Liqası

II dövrə, XIV tur

22 noyabr

17:00. “Kəpəz” – “Araz-Naxçıvan”

Hakimlər: Elçin Məsiyev, Elşad Abdullayev, Pərvin Talıbov, Elvin Bayramov.

VAR: Fərid Hacıyev.

AVAR: Rəhman İmami.

Hakim-inspektor: Ömər Paşayev.

AFFA nümayəndəsi: Emin Cəfərov.

Tovuz şəhər stadionu

Qeyd edək ki, turun digər oyunları noyabrın 23-24-də keçiriləcək.