Premyer Liqada XXXII tura start verilib YENİLƏNİB

22:15

Misli Premyer Liqasında XXXII tura bir oyunla start verilib.

“Turan Tovuz” doğma azarkeşlər önündə “Şamaxı” ilə üz-üzə gəlib.

Tovuz şəhər stadionunda keçirilən görüş 1:1 hesabı ilə nəticələnib.

Meydan sahiblərinin heyətində 54-cü dəqiqədə Kauan Martins fərqlənib. “Şamaxı”dan qolu 56-cı dəqiqədə Brahim Konate rəqib qapısından keçirib.

Bu nəticədən sonra “Turan Tovuz” 49 xalla dördüncü yerdə qərarlaşıb. 6-cı yerdə olan “Şamaxı” isə 35 xala malikdir.

Qeyd edək ki, tura aprelin 28-də yekun vurulacaq.

***

09:14

Futbol üzrə Misli Premyer Liqasında XXXII tura bu gün start veriləcək.

Günün yeganə matçı Tovuzda baş tutacaq.

"Turan Tovuz" doğma azarkeşləri önündə "Şamaxı" ilə üz-üzə gələcək. Qarşılaşma saat 19:00-da başlayacaq. Meydan sahibləri 48 xalla dördüncü, qonaqlar 34 xalla dördüncü pillədə qərarlaşıb.

Misli Premyer Liqası

IV dövrə, XXXII tur

25 aprel

19:00. “Turan Tovuz” – “Şamaxı”

Hakimlər: Kamal Umudlu, Vüsal Məmmədov, Zöhrab Abbasov, Kamran Əliyev.

VAR: Nicat İsmayıllı.

AVAR: Elşad Abdullayev.

Hakim-inspektor: Anar Salmanov.

AFFA nümayəndəsi: Mübariz Hüseynov.

Tovuz şəhər stadionu

Qeyd edək ki, tura aprelin 28-də yekun vurulacaq.