Putin: Ukrayna ilə danışıqlardan söhbət gedə bilməz

Vladimir Putin Kursk vilayətindəki vəziyyətlə bağlı Rusiya Təhlükəsizlik Şurasının iclasını keçirib.

Əsas məqamlar:

“Kiyev Qərb ağalarının iradəsini yerinə yetirir, Qərb ukraynalıların əli ilə Rusiya Federasiyasına qarşı vuruşur”, - deyə Putin bildirib. Kiyev Kursk vilayətinə hücum etməklə gələcək danışıqlarda öz mövqeyini yaxşılaşdırmağa çalışırdı, "amma yaranmış vəziyyətdə o insanlarla danışıqlardan söhbət gedə bilməz".

— Ukrayna ilə həmsərhəd rayonlarda baş verənlərə qiymət veriləcək, lakin indi əsas vəzifə düşməni darmadağın etməkdir.

— Putin düşmən Rusiya ərazisindən çıxarıldıqdan sonra Ukrayna ilə sərhədin etibarlı örtülməsini təmin etməyi tələb edib

— Mən mülki idarələrə göstəriş verdim ki, Kursk vilayətinin hüquq-mühafizə orqanlarını nəqliyyat, tibb və maliyyə sahəsində lazım olan hər şeylə təmin etsinlər.

— Kursk vilayətində baş verən hadisələr nəticəsində əsas nəticə RF Silahlı Qüvvələri ilə müqavilə bağlamaq istəyənlərin sayının artmasıdır.

— Rusiya Silahlı Qüvvələri bütün döyüş xətti boyunca irəliləyir. Ordunun bütün cəbhə boyu irəliləmə sürəti bir yarım dəfə artdı.

Bu arada iclasda Kursk Qubernator səlahiyyətlərini icra edən Smirnov vilayətinin 28 yaşayış məntəqəsi Ukrayna Silahlı Qüvvələrinin nəzarətində oldu]unu bildirib. O həm də qeyd edib ki, bu kəndlərin iki minə yaxın sakininin də taleyi məlum deyil.

Videoda yaxşı görünür ki, bu məruzə Putinin ürəyincə deyil və o məmurun sözünü kəsir.