Putin və Ərdoğan Ukrayna nizamlanmasını müzakirə edib

Rusiya Prezidenti Vladimir Putin Türkiyə Prezidenti Rəcəb Tayyib Ərdoğanla telefon danışığı aparıb.

Bu barədə "kremlin.ru" xəbər yayıb.

Telefon danışığı zamanı ikitərəfli əməkdaşlığın cari məsələləri müzakirə edilib, ticarət və investisiya əlaqələrinin daha da genişləndirilməsinə və strateji əhəmiyyətli enerji layihələrinin həyata keçirilməsinə xüsusi diqqət yetirilib.

Ukrayna ətrafındakı vəziyyət, o cümlədən Amerikanın sülh yolu ilə həll təklifləri kontekstində fikir mübadiləsi aparılıb. Vladimir Putin qeyd edib ki, nəzərdən keçirilən versiyada bu təkliflər Alyaskada keçirilən Rusiya-Amerika sammitindəki müzakirələrlə uyğundur və prinsipcə, yekun sülh yolu ilə həll üçün əsas təşkil edə bilər. Rusiyanın Ukrayna böhranının siyasi və diplomatik həllində marağı bir daha təsdiqlənib.

Rəcəb Tayyib Ərdoğan danışıqlar prosesinə hər cür kömək göstərmək niyyətində olduğunu və bu məqsədlər üçün İstanbulu əlçatan etməyə davam etməyə hazır olduğunu bildirib. Ukrayna məsələsi ilə bağlı müxtəlif səviyyələrdə Rusiya-Türkiyə təmaslarının intensivləşdirilməsi barədə razılığa gəlinib.

Türkiyə Prezidenti həmçinin Yohannesburqda keçirilən G20 sammitinə səfəri və bir sıra iştirakçı ölkələrin rəhbərləri ilə görüşləri ilə bağlı təəssüratlarını bölüşüb.

Prezidentlər müntəzəm əlaqə saxlamaq barədə razılığa gəliblər.