ANSTV
ANSÇM
"Qarabağ" bu gün səfərdə "Dinamo" ilə qarşılaşacaq
Bu oyun UEFA Çempionlar Liqası çərçivəsindədir
1 dəqiqədən az
"Qarabağ" bu gün UEFA Çempionlar Liqasında növbəti oyununu keçirəcək.
Qurban Qurbanovun baş məşqçisi olduğu komanda pley-off mərhələsinin ilk oyununda Xorvatiyada "Dinamo" (Zaqreb) klubunun qonağı olacaq.
"Maksimir" stadionunda gerçəkləşəcək qarşılaşma Bakı vaxtı ilə saat 23:00-da start götürəcək. Görüşü İsveçdən olan FIFA referisi Qlenn Nyuberq idarə edəcək.
UEFA Çempionlar Liqası
Pley-off mərhələsi, ilk oyun
20 avqust
"Qarabağ" - "Dinamo" (Xorvatiya)
Baş hakim: Qlenn Nyuberq (İsveç).
Zaqreb, "Maksimir" stadionu.
Qeyd edək ki, tərəflər arasında cavab görüşü avqustun 28-də Bakıda baş tutacaq.
