ANSTV
ANSÇM
"Qarabağ" klubu dünya reytinqində irəliləyib
Ölkə kubokunun qalibi - "Sabah" isə 50 pillə irəliləyib
1 dəqiqədən az
"Qarabağ" klubu Beynəlxalq Futbol Tarixi və Statistikaları Federasiyasının (IFFHS) açıqladığı dünya reytinqində beş pillə irəliləyib.
Qurumun rəsmi saytı xəbər verir ki, Azərbaycan çempionu 144,75 xalla 119-cu sıradadır.
"Zirə" (95,75 xal) 233-cü mövqedən 232-yə qalxıb. "Sabah" komandası 50 pillə irəliləyib. Ölkə kubokunun qalibi 76 xalla 317-ci olub.
"Araz-Naxçıvan" isə 61,25 xalla 446-cıdır. Naxçıvan təmsilçisi əvvəlki reytinqdə 454-cü idi.
Qeyd edək ki, birinci pillədə İspaniya təmsilçisi "Real" (470 xal) qərarlaşıb. "Barselona" (434 xal) ikinci, İtaliyanın "İnter" klubu (419) üçüncüdür.
