QHT-lərin Zəngilanda Forumu keçirilir YENİLƏNİB

Forumda Azərbaycanın 200-ə yaxın aparıcı ictimai birliklərinin rəhbərləri iştirak edir

Oxuma müddəti:

1 dəqiqə

12:41

İyunun 24-də Qeyri-Hökumət Təşkilatlarına Dövlət Dəstəyi Agentliyi və Azərbaycan Milli QHT Forumunun birgə təşkilatçılığı ilə Zəngilan Konqres Mərkəzində Azərbaycan Qeyri-Hökumət Təşkilatlarının Əməkdaşlıq Forumu işə başlayıb.

200-ə yaxın ictimai birlikdən təmsilçilərin iştirak etdiyi forumda “Azərbaycan QHT-ləri: nəticələr və hədəflər”, “Ermənistanın dağ-mədən sənayesinin ekoloji fəsadları”, “COP29 və Yaşıl Dünya Naminə Həmrəylik Hərəkatı” mövzularında panel müzakirələri keçiriləcək.

Azad edilmiş ərazilərdə ilk dəfə keçirilən QHT forumu iki gün davam edəcək.

***

08:42

Qeyri-hökumət Təşkilatlarına Dövlət Dəstəyi Agentliyinin təşkilatçılığı ilə, azad edilmiş ərazilərdə ilk dəfə baş tutacaq “Azərbaycan QHT-lərinin Əməkdaşlıq Forumu” Zəngilan rayonunda keçirilir.

Zəngilan rayonundakı Konqres Mərkəzində bu gün işə başlayacaq forum Qeyri-Hökumət Təşkilatlarına Dövlət Dəstəyi Agentliyi və Azərbaycan Milli QHT Forumunun birgə təşkilatçılığı ilə keçirilir.

Forumda Azərbaycanın 200-ə yaxın aparıcı ictimai birliklərinin rəhbərləri və təmsilçiləri iştirak edəcək.

İki gün davam edəcək forumda “Azərbaycan QHT-ləri: nəticələr və hədəflər”, “Ermənistanın dağ-mədən sənayesinin ekoloji fəsadları”, “COP29 və Yaşıl Dünya Naminə Həmrəylik Hərəkatı” mövzularında panel müzakirələri keçiriləcək.