Qubadlıda silah-sursat tapıldı
Bu barədə DİN-in Mətbuat Xidmətinin Bərdə regional qrupundan məlumat verilib
![Qubadlıda silah-sursat tapıldı](/uploads/images/2023/01/rs/image_750x_63b9237bbb60a-750-1080-resize.webp)
İşğaldan azad edilmiş ərazilərdə polis əməkdaşları tərəfindən silah-sursatların aşkar edilməsi məqsədi ilə profilaktiki tədbirlər davam etdirilir.
DİN-in Mətbuat Xidmətinin Bərdə regional qrupundan verilən məlumata görə, Qubadlı Rayon Polis Şöbəsinin əməkdaşları tərəfindən keçirilmiş tədbirlər zamanı rayon ərazisindəki tərk edilmiş hərbi mövqelərdən 8 tank əleyhinə idarə olunan raket sistemi, 5 qumbaraatan, 35 qumbara, 66 ədəd müxtəlif növ mərmilər və digər sursatlar aşkar edilib.
Tapılan silah-sursat aidiyyəti üzrə təhvil verilib.