ANS Press

ANS Press

Sep 17, 2023 - 19:30 Yeniləndi: Sep 17, 2023 - 20:10

XƏBƏRLƏR / Münaqişə

Rəsmi Bakıdan Xankəndi açıqlaması: Biz hazırıq!

Bunu Xarici İşlər Nazirliyinin mətbuat katibi Ayxan Hacızadə deyib

Rəsmi Bakıdan Xankəndi açıqlaması: Biz hazırıq!

  • Oxuma müddəti:

    1 dəqiqə

    • Azərbaycanla əlaqələndirilmiş şəkildə Laçın-Xankəndi və Ağdam-Xankəndi yollarından paralel istifadə edilməsi təklifi uzun müddətdir ki, Azərbaycan tərəfindən irəlilədilir və müxtəlif səviyyələrdə geniş müzakirə olunurdu. Təəssüf ki, əldə edilmiş razılıqlara və beynəlxalq tərəfdaşların çağırışlarına baxmayaraq, Ermənistan və onun tərəfindən Qarabağ bölgəsində yaradılmış qondarma rejim belə keçidin təşkilinə mane olurdu.

    Bunu Xarici İşlər Nazirliyinin mətbuat katibi Ayxan Hacızadə deyib.

    Bu gün BQXK Azərbaycan tərəfinə müraciət edərək qarşı tərəfin 18 sentyabr tarixində Ağdam-Xankəndi və Laçın-Xankəndi yollarından paralel olaraq yüklərin qəbuluna razı olduğu barədə ilkin məlumat verib. Yaxın zamanlarda BQXK tərəfindən Azərbaycan tərəfinə bu barədə rəsmi nota təqdim edilməsi gözlənilir. Əvvəllər də qeyd edildiyi kimi, Azərbaycan tərəfi ölkəmizin qanunvericiliyinin tələblərinə riayət olunmaqla, Ağdam-Xankəndi və Laçın-Xankəndi yollarından paralel istifadənin təşkilinə hazırdır.