ANS Press

ANS Press

Oct 22, 2026 - 10:30 Yeniləndi: Oct 22, 2026 - 10:32

XƏBƏRLƏR / Hərbi

Rusiya və Özbəkistan Əfqanıstan sərhədində təlim keçirirlər

Bu barədə Rusiya Müdafiə Nazirliyi xəbər yayıb

Rusiya və Özbəkistan Əfqanıstan sərhədində təlim keçirirlər

  • Oxuma müddəti:

    1 dəqiqə

    • Rusiya və Özbəkistan Əfqanıstanla sərhəd yaxınlığında hərbi təlimlər keçirirlər.

    Rusiya və Özbəkistan hərbçiləri Əfqanıstanla sərhəd yaxınlığındakı Termez təlim poliqonunda birgə "Hamkorlik-2026" təlimlərinə başlayıblar.

    Manevrlər 20-27 oktyabr tarixlərində davam edəcək və sərhəd ərazilərində qanunsuz silahlı qrupların aşkarlanması və ləğv edilməsini həyata keçirməyə yönəlib.

    Təlimlərdə dağ bölmələri, kəşfiyyat və hücum dronları, yerüstü robot sistemləri və Mi-24 hücum helikopterləri iştirak edir. İki ölkənin hərbçiləri Əfqanıstanın dağlıq ərazisinə və sərhəd ərazilərinə bənzər şəraitdə əməkdaşlıq edəcəklər.

    Daha əvvəl Rusiya xarici işlər naziri Lavrov Əfqanıstanın Tacikistan və Özbəkistanla sərhəd ərazilərində xeyli sayda terrorçu qrup təlim düşərgəsinin fəaliyyət göstərdiyini bildirmişdi.