Rusiyadan Kuraxovoya hücum etdi

Bu barədə vilayət hərbi administrasiyasının sədri Vadım Filaşkin bildirib

Oxuma müddəti:

1 dəqiqə

Rusiya Silahlı Qüvvələri Ukraynanın Donetsk vilayətinin Kuraxovo şəhərini atəşə tutması nəticəsində 16 nəfər yaralanıb. Bu barədə vilayət hərbi administrasiyasının (VHA) sədri Vadım Filaşkin teleqramda bildirib.

“Bu gün nahar saatlarında Kuraxovo atəşə tutulub – düşmən şəhərin düz mərkəzini vurub, azı 15 çoxmərtəbəli binaya tuş gəlib. İlkin məlumata görə, rusiyalılar idarəolunan aviabomba istifadə ediblər”, – VHA-nın başçısı qeyd edib.

Onun sözlərinə görə, yaralılardan ikisinin vəziyyəti ağırdır. Filaşkin vurğulayıb ki, yaralıların hamısı xəstəxanaya yerləşdirilib.

Xatırladaq ki, Ukraynanın Donetsk vilayətinin böyük qismi 2014-cü ildən rusiyayönümlü separatçıların, 2022-ci ilin fevralından isə rəsmi şəkildə Rusiya Silahlı Qüvvələrinin nəzarəti altındadır. 2022-ci ilin fevralında genişmiqyaslı hərbi müdaxiləyə baxmayaraq, Moskva regionu tam işğal edə bilməyib.