Sabir Rüstəmxanlının partiyasının sənədləri qəbul edildi
Bu barədə partiyanın sədri Sabir Rüstəmxanlı məlumat verib
![Sabir Rüstəmxanlının partiyasının sənədləri qəbul edildi](/uploads/images/2023/09/rs/image_750x_64f5a78b0c9af-750-1080-resize.webp)
Ədliyyə Nazirliyi təkrar qeydiyyatdan keçmək üçün müraciət edən deputat Sabir Rüstəmxanlının sədri olduğu Vətəndaş Həmrəyliyi Partiyasının (VHP) yenidən təqdim etdiyi üzv siyahılarını yoxlayıb.
Bu barədə ANS Press-ə partiyanın sədri Sabir Rüstəmxanlı məlumat verib.
O qeyd edib ki, nazirlik VHP üzvlərinin reysterini təsdiq edib: "Növbəti mərhələdə Nizamnamə və Proqramın yeni variantını nazirliyə təqdim edəcəyik".
Xatırladaq ki, Azərbaycanda siyasi partiyaların təkrar qeydiyyata alınması prosesi həyata keçirilir. Rəsmi məlumata görə, 27 siyasi partiya üzvlərinin siyahısını Ədliyyə Nazirliyinə təqdim edib. Bildirilib ki, “Siyasi partiyalar haqqında” Qanuna əsasən partiyaların üzvlərinin reyestrinin qanunvericiliyin tələblərinə uyğunluğunun yoxlanılması zamanı onların bəzilərində qüsurlar, o cümlədən – üzvləri olmayan, vəfat etmiş şəxslərin reyestrə daxil edilməsi, bəzi şəxslərin adlarının təkrarlanması halları aşkarlanıb.
Nöqsanlarla bağlı partiyalara məlumat göndərilib, reyestrdə aşkar olunmuş çatışmazlıqların aradan qaldırılması üçün 30 gün vaxt verilib.