Sabirabadda yol qəzası olub, üç nəfər ölüb

Daha iki nəfər xəstəxanaya yerləşdirilib

Oxuma müddəti:

1 dəqiqədən az

Sabirabadda baş verən yol qəzasında 3 nəfər ölüb.

Bu gün səhər saatlarında rayonun Qarağac kəndi ərazisində baş verən yol nəqliyyat hadisəsi zamanı Sabirabad sakinləri- Umudov Samir Qurbanqulu oğlu, Hacıyev Manaf Poladxan oğlu və Şirvan şəhər sakini Abizərova Salatı Rəhman qızı ölüb.

Xəsarət alan iki nəfər isə Şirvan şəhər Xəstəxanasına yerləşdirilib.

Hadisə bu gün səhər saatlarında rayonun Qarağac kəndi ərazisində qeydə alınıb.

İlkin məlumata görə, dəmir yolu keçidinin yaxınlığında iki avtomobil toqquşub.

Faktla bağlı araşdırma aparılır.