ANS Press

ANS Press

Jan 30, 2024 - 12:39 Yeniləndi: Jan 30, 2024 - 12:42

XƏBƏRLƏR / Seçki

Sadır Japarov ikinci müddətə prezidentliyə namizəd olacaq

Bu barədə “24.kg” informasiya agentliyi xəbər verib

Sadır Japarov ikinci müddətə prezidentliyə namizəd olacaq
Sadır Japarov

  • Oxuma müddəti:

    1 dəqiqə

    • Qırğız Respublikasının Prezidenti Sadır Japarov ikinci müddətə prezidentliyə namizədliyini irəli sürəcək. Bu barədə “24.kg” informasiya agentliyinə müsahibəsində ölkə Prezidentinin mətbuat katibi Askat Alagözov bildirib.

    Qırğızıstan Prezidentinin sözçüsü deyib: “Ölkəmiz üçün strateji əhəmiyyət kəsb edən uzunmüddətli beynəlxalq layihələrə start verildiyini və yenilərinin planlaşdırıldığını nəzərə alsaq, Sadır Japarovun ikinci müddətə prezident seçkilərində iştirakı siyasətdə ardıcıl addım olacaq”.

    Bundan əvvəl Qırğızıstan Nazirlər Kabineti sədrinin müavini Edil Baysalov da “Azattuk” radiosuna müsahibəsində Prezidentin ikinci müddətə prezident seçkilərində iştirak edəcəyini bildirmişdi.

    Sadır Japarov 2021-ci il yanvarın 10-da keçirilən prezident seçkilərində qalib gəlib. Gələn il keçirilməsi nəzərdə tutulan növbəti seçkilərin dəqiq tarixi hələ açıqlanmayıb.