Sankt-Peterburqdan Gəncəyə metadon keçirməyə cəhd edilib

Ağır narkotiki Azərbaycan vətəndaşı qənd adı altında keçirməyə çalışıb

Oxuma müddəti:

1 dəqiqədən az

Azərbaycan vətəndaşı qənd adı altında Sankt-Peterburqdan Gəncəyə metadon keçirməyə cəhd edib.

Hava Nəqliyyatında Baş Gömrük İdarəsi əməkdaşlarının həyata keçirdikləri tədbirlər çərçivəsində xüsusilə külli miqdarda narkotik vasitə - metadon aşkar edilərək qanunsuz dövriyyədən çıxarılıb.

Gəncə Beynəlxalq Hava Limanı gömrük postunda Sankt Peterburq - Gəncə aviareysi ilə gələn Azərbaycan Respublikası vətəndaşına məxsus çantadan gömrük nəzarətindən gizlədilən, ümumi təmiz çəkisi 355 qram xüsusilə külli miqdarda narkotik vasitə - metadon aşkar edilib.

Faktla bağlı araşdırma aparılır.