ANS Press
ANSTV
ANSÇM
Səfir Sobhani erməni revanşistlərinin xidmətində
Tehran diplomat-provakatorun cilovunu çəkəcəkmi?
1 dəqiqə
Azərbaycanın Tehrandakı səfirliyi fəaliyyətini bərpa edib. Bazar ertəsi bu xəbər Bakı ilə Tehran arasında münasibətlərin yeni səviyyəyə qalxmasının, ölkələrimizin əvvəllər mövcud olan fikir ayrılıqlarını aradan qaldırmasının təsdiqidir.
"Azadlıq” radiosunun erməni xidmətinə müsahibə verən İranın Ermənistandakı səfiri Mehdi Sobhaninin təşəbbüsü ilə həyata keçirilən açıq informasiya və diplomatik təxribat da diqqətimizi çəkdi.
Bu davranış təəccüblüdür? Bu diplomatın Azərbaycanı daim qaralayan iranlı jurnalist Ehsan Muxavedyanla yaxından əlaqəli olduğunu xatırlasaq, heç də yox. Onlar həm azərbaycanlı Pezeşkiana nifrət edir, həm də onun İran Prezidenti seçilməsinə “matəm” edirlər.
İranın Ermənistandakı səfiri Sobhani kimi şəxslər İranla Azərbaycan arasında münasibətlərin normal inkişafında maraqlı deyillər və bu münasibətlərin daha da pisləşməsi üçün əllərindən gələni edirlər. Lakin onların səyləri sonda boşa çıxacaq. Bakı ilə Tehran arasında pozitiv dəyişiklik küləyi güclü və əsaslı şəkildə əsir və küləyə qarşı hərəkət etməyə çalışanları uçura bilər.
