Səmərqənddə MDB Təhlükəsizlik Başçılarının İclası başlayıb

İclasa Özbəkistan Dövlət Təhlükəsizliyi Xidmətinin rəhbəri Baxodir Qurbanov sədrlik edəcək

Oxuma müddəti:

1 dəqiqədən az

Bu gün Səmərqənddə MDB dövlətlərinin təhlükəsizlik və kəşfiyyat rəhbərlərinin 21-ci iclası işə başlayır. Forum Özbəkistanda ilk dəfə keçirilir.

İclasda Azərbaycan, Ermənistan, Belarus, Rusiya və Mərkəzi Asiya ölkələrinin təhlükəsizlik xidmətlərinin nümayəndələri iştirak edirlər. İclasa Özbəkistan Dövlət Təhlükəsizliyi Xidmətinin (DTX) rəhbəri Baxodir Qurbanov sədrlik edəcək.

İştirakçılar region üçün mövcud çağırışlar və təhdidləri, həmçinin kəşfiyyat orqanları arasında əməkdaşlığın gücləndirilməsi yollarını müzakirə edəcəklər. Forumun yekununda regional təhlükəsizlik sahəsində əməkdaşlığın prioritet istiqamətləri üzrə razılığın əldə olunması gözlənilir.