SEPAH saxlanılanların ailələrini hökumət yürüşünə cəlb edir

Bu barədə müxalif "Iran International" nəşri yazır

Oxuma müddəti:

1 dəqiqə

İran hakimiyyəti saxlanılanların ailələrini hökumətyönlü yürüşdə iştirak etməyə "məcbur edir".

İslam İnqilabı Keşikçiləri Korpusunun (SEPAH) Kəşfiyyat İdarəsi ölkə daxilində keçirilən etirazlar zamanı saxlanılanların bəzilərinin ailələrinə İslam İnqilabının 47-ci ildönümünü qeyd etmək üçün hökumətyönlü yürüşdə iştirak etmələri üçün təzyiq göstərir. Nəşr bu barədə öz mənbələrinə istinadən məlumat verir. Qeyd olunur ki, təhlükəsizlik rəsmiləri ailələrə yürüşdə iştiraklarının fotoşəkillər və video görüntülər də daxil olmaqla "təsdiqlənməli" olduğunu bildiriblər.

Mənbələrə görə, təhlükəsizlik rəsmiləri yalnız tələblərinə əməl etdikləri təqdirdə saxlanılan qohumlarının azad ediləcəyini, ölüm cəzasından xilas ediləcəyini və ya cəzalarının azaldılacağını bildirərək təhdid edir və psixoloji təzyiq göstərirlər.

Son məlumatlara görə, etirazların yatırılması zamanı 50 mindən çox insan saxlanılıb.