"Şahdəniz" qazının ixracı bu il 3%-ə yaxın artıb
Dövlət Statistika Komitəsi xəbər verir
!["Şahdəniz" qazının ixracı bu il 3%-ə yaxın artıb](/uploads/images/2024/06/rs/image_750x_666becf6b3676-750-1080-resize.webp)
Cari ilin yanvar-may aylarında Azərbaycanda magistral qaz kəmərləri ilə 17 359 mln. kubmetr qaz nəql edilib və əvvəlki ilin göstəricisinə nisbətən 3% azalma müşahidə olunub.
Dövlət Statistika Komitəsindən verilən məlumata görə, qaz nəqlinin 54.6%-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib
Bu boru kəməri vasitəsilə “Şahdəniz” qaz-kondensat yatağında hasil edilən qaz ixrac edilir.
Belə ki, hesabat dövründə bu kəmərlə 9471.6 mln. kubmetr qaz ötürülüb (2.6%-lik artım).
Xatırladaq ki, ötən il Azərbaycanda magistral qaz kəmərləri ilə 39 806,9 mln. kubmetr qaz nəql edilib və əvvəlki ilin göstəricisinə nisbətən 1,4% artım müşahidə olunub.
Qaz nəqlinin 54,8%-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib. Hesabat dövründə bu kəmərlə 21 800,1 mln. kubmetr qaz ötürülüb (2022-ci ilin göstəricisi ilə müqayisədə 4,8%-lik artım).