Şahmat Olimpiadasında Azərbaycan Litva ilə qarşılaşır

Budapeştdə keçirilən 45-ci Ümumdünya Şahmat Olimpiadası davam edir.

VI turda Azərbaycanın kişilərdən ibarət yığması Litva ilə qarşılaşacaq.

Komandamız buna qədər İordaniya, Finlandiya, Moldova və Monteneqroya qalib gəlib, Hindistana uduzub. Zəka sahiblərimiz 8 xalla 9-cu sırada qərarlaşıblar.

Teymur Rəcəbovun kapitanı olduğu komandada Şəhriyar Məmmədyarov, Rauf Məmmədov, Nicat Abasov, Aydın Süleymanlı və Məhəmməd Muradlı yer alıb.

AZƏRBAYCAN – LİTVA
Aydın Süleymanlı – Titas Stremavicius
Nicat Abasov – Paulus Pultineviçius
Şəhriyar Məmmədyarov – Valeri Kazakovski
Məhəmməd Muradlı – Tomas Laurusas

Turnir cədvəli:

1. Hindistan - 10 xal,

2. Çin - 10 xal,

3. Vyetnam – 10 xal,

9. Azərbaycan – 8 xal.

Qadınlardan ibarət yığma isə Vyetnamla üz-üzə gələcək. Komandamız Nikaraqua, Avstraliya və Sloveniyaya qalib gəlib, Argentina və Ukrayna ilə heç-heçə edib. 8 xala malik qadın millimiz 11-ci sırada yer alıb.

Kapitanı Mixail Şereşevski olduğu yığma Günay Məmmədzadə, Gövhər Beydullayeva, Xanım Balacayeva, Ülviyyə Fətəliyeva və Gülnar Məmmədovan ibarətdir.

Vyetnam – AZƏRBAYCAN
Le Thao Nguyen Pham – Günay Məmmədzadə
Ti Kim Pung Wo - Ülviyyə Fətəliyeva
Phuong Luong – Gövhər Beydullayeva
Ngoc Duong Bac – Xanım Balacayeva