ANS Press

ANS Press

Feb 10, 2025 - 12:27

XƏBƏRLƏR / Maliyyə

Strateji valyuta ehtiyatlarımız ÜDM-in 95 faizindən çoxdur

Bunu Azərbaycan Mərkəzi Bankının (AMB) sədri Taleh Kazımov bildirib

Strateji valyuta ehtiyatlarımız ÜDM-in 95 faizindən çoxdur

  • Oxuma müddəti:

    1 dəqiqədən az

    • Azərbaycanın strateji valyuta ehtiyatlarının ölkənin ümumi daxili məhsulunun (ÜDM) 95%-dən yuxarı olduğu təxmin edilir.

    Bunu Azərbaycan Mərkəzi Bankının (AMB) sədri Taleh Kazımov Bakıda Dünya Bankının 2024-cü il üzrə “Dünya İnkişaf Hesabatı” (WDR) illik qlobal hesabatının təqdimatında deyib.

    Onun sözlərinə görə, son 20 ildə Azərbaycan iqtisadiyyatı təxminən 3,8 dəfə, o cümlədən qeyri-neft sektoru 3,7 dəfə artıb.

    “Bu dövrdə ölkənin ümumi ixracı 7,8 və qeyri-neft ixracı müvafiq olaraq 6,3 dəfə, Azərbaycan iqtisadiyyatına investisiyalar isə 4,4 dəfə artıb”, - deyə Mərkəzi Bankın sədri qeyd edib.