XƏBƏRLƏR / Kriminal

Tanınmış aktyor hava limanında kokain və ekstazi ilə tutuldu

Bu barədə Dövlət Sərhəd Xidmətinin Mətbuat Mərkəzi məlumat verib

Tanınmış aktyor hava limanında kokain və ekstazi ilə tutuldu
  • Oxuma müddəti:

    1 dəqiqə

  • Heydər Əliyev Beynəlxalq Aeroportunda ölkə ərazisinə külli miqdarda narkotik vasitənin keçirilməsinin qarşısı alınıb.

    Bu barədə Dövlət Sərhəd Xidmətinin Mətbuat Mərkəzi məlumat verib.

    Bildirilib ki, dekabr ayının 21-də İstanbul-Bakı aviareysi ilə gələn Azərbaycan Respublikası vətəndaşı Ağdaş rayon sakini 1986-cı il təvəllüdlü Ramazanov Fərdi Rövşən oğlu gizli şəkildə 100 qram kokain tozu və 300 ədəd narkotik tərkibli güclü təsir edən ekstazi həbini ölkə ərazisinə keçirməyə cəhd göstərərkən saxlanılıblar.

    Həyata keçirilmiş əməliyyat-istintaq tədbirləri nəticəsində narkotik vasitələrin ölkə ərazisinə keçirilməsini təşkil edən cinayətkar qrupun digər üzvü 1993-cü il təvəllüdlü Azərbaycan Respublikası vətəndaşı Neftçala rayon sakini Məmmədov Həsənağa Elçin oğlu müəyyən edilərək saxlanılıb. O, seriallarda çəkilən aktyordur və əsasən Həsən Ağa adı ilə tanınır. 

    Fakt üzrə əməliyyat-istintaq tədbirləri davam etdirilir.