ANSTV
ANSÇM
Tanınmış musiqiçinin 7 yaşlı övladı kanalda boğulub
Hadisə Naxçıvanın Qaraxanbəyli kəndində baş verib
1 dəqiqə
Tanınmış musiqiçinin 7 yaşlı övladı faciəvi şəkildə dünyasını dəyişib. Naxçıvanda faciəvi hadisə baş verib: 7 yaşlı uşaq kanalda boğulub.
Hadisə Naxçıvanın Qaraxanbəyli kəndində baş verib.
İlkin məlumata görə, 2019-cu il təvəllüdlü Elmir Cahangir oğlu Qurbanov kənddə velosiped sürərkən təsadüfən kanala düşüb.
Axtarış zamanı uşaq sudan çıxarılaraq Naxçıvan Respublika Xəstəxanasına aparılıb, lakin onun həyatını xilas etmək mümkün olmayıb.
Hadisə yerinə hüquq-mühafizə orqanlarının əməkdaşları cəlb edilib. Hazırda araşdırma aparılır.
Elmir Qurbanov Prezident mükafatı laureatı, Naxçıvan Dövlət Filarmoniyasının Kamera Orkestrinin bədii rəhbəri və baş dirijoru, tanınmış musiqiçi Cahangir Qurbanovun oğlu olub.
Naxçıvan 5 nömrəli orta məktəbin birinci sinif şagirdi Elmir bir gün əvvəl itkin düşüb. Daha sonra o, kanalda üzən halda tapılıb.
