ANS Press

ANS Press

Mart 9, 2024 - 12:20

XƏBƏRLƏR / Dünya

Tanzaniyada dəniz tısbağasının ətindən yeyən 8 uşaq ölüb

Bu barədə “The Citizen” qəzeti xəbər verir

Tanzaniyada dəniz tısbağasının ətindən yeyən 8 uşaq ölüb

  • Oxuma müddəti:

    1 dəqiqədən az

    • Tanzaniyanın Pemba adasında dəniz tısbağasının ətini yedikdən sonra 8 uşaq ölüb, 78 nəfər isə zəhərlənmə diaqnozu ilə xəstəxanalara aparılıb.

    “The Citizen” qəzeti xəbər verir ki, tibbi müayinə nəticəsində uşaqların dəniz tısbağasının ətindən zəhərlənərək öldükləri təsdiqlənib. Zəhərlənənlər qorxduqları üçün xəstəxanalara gec müraciət ediblər. Hadisə ilə bağlı araşdırmalar davam edir.

    Bu, ilk belə hadisə deyil. 2023-cü ilin mart ayında Tanzaniyanın Hind okeanındakı Mafiya adasında dəniz tısbağası əti yeyən yeddi nəfər ölmüşdü. Tanzaniya rəsmiləri dəniz tısbağasının ətinin zəhərli olduğunu bildirib.