XƏBƏRLƏR / Hadisə

Tbilisidə 5 mərtəbəli yaşayış binasında partlayış baş verib

Bu barədə yerli media xəbər verir

Tbilisidə 5 mərtəbəli yaşayış binasında partlayış baş verib
  • Oxuma müddəti:

    1 dəqiqə

  • Tbilisidə beşmərtəbəli yaşayış binasında partlayış baş verib.

    Yerli medianın məlumatına görə, partlayışa qaz sızmasının səbəb olduğu ehtimal olunur. Partlayış əlil şəxsin yaşadığı beşinci mərtəbədəki mənzildə baş verib.

    Uşaq da daxil olmaqla dörd nəfər müxtəlif dərəcəli xəsarətlərlə xəstəxanaya yerləşdirilib. Dağıntılar altında uşaqlar da daxil olmaqla insanlar qala bilər. Polis yeddi nəfəri tapmağa çalışır.

    Tbilisi meri Kaxa Kaladzenin sözlərinə görə, binada partlayışın baş verdiyi Poniçalada mütəxəssislər binanın dayanıqlığını öyrənmək üçün çalışırlar.

    Kaladzenin sözlərinə görə, bələdiyyə lazım gələrsə, bütün ailələri mənzillə təmin etməyə hazırdır.

    "Partlayış bu səhər təbii qaz sızması nəticəsində baş verib. Hazırda axtarış-xilasetmə əməliyyatları davam edir və 7 nəfər axtarılır. Otelləri səfərbər etmişik. Hələlik hər şey təmin olunub. Lazım gələrsə, binada yaşayan 90 ailəni yerləşdirəcəyik. Bunu yoxlamadan sonra, bələdiyyə laboratoriyası işi başa çatdırdıqdan sonra biləcəyik. Bundan sonra neçə ailənin həqiqətən köçürülə biləcəyini biləcəyik", - deyə Kaxa Kaladze bildirib.

    Xilasetmə işləri davam edir.