TDT daxili işlər nazirləri görüşdü YENİLƏNİB

13:55

Türk Dövlətləri Təşkilatına (TDT) üzv ölkələrin daxili işlər nazirlərinin ikinci iclası gələn il Azərbaycanda keçiriləcək.

Qurumun mətbuat xidməti xəbər verir ki, bununla bağlı qərar bu gün Qırğızıstanın Çolpon-Ata şəhərində keçirilən birinci iclasın yekunları üzrə qəbul edilib.

İclasda Azərbaycanın daxili işlər naziri Vilayət Eyvazov, o cümlədən Türkiyə, Qazaxıstan, Qırğızıstan və Özbəkistanın daxili işlər nazirləri və TDT-nin baş katibi Kubanıçbek Omurəliyev iştirak ediblər.

İclasda çıxış edən baş katib qeyd edib ki, bu tədbir daxili işlər nazirləri arasında yeni və müntəzəm əməkdaşlıq platformasının yaradılması üçün əsas olacaq ki, bu da türk dünyasında birliyi və əməkdaşlığı daha da gücləndirməyə töhfə verəcək”, - o əlavə edib.

Daha sonra nazirlər transmilli mütəşəkkil cinayətkarlıq, o cümlədən terrorizm, ekstremizm, narkotik qaçaqmalçılığı və insan alveri ilə mübarizə sahəsində qurumların fəaliyyətindən danışıblar. Tərəflər bu kimi cinayətlərə qarşı mübarizədə daxili işlər orqanları arasında əməkdaşlığın vacibliyini vurğulayıblar.

İclasın yekunları üzrə Birgə Bəyannamə imzalanıb, daxili işlər nazirlərinin ikinci iclasının 2025-ci ildə Azərbaycanda keçirilməsinə dair qərar qəbul edilib.

***

11:07

Qırğız Respublikasının Çolpon-Ata şəhərində Türk Dövlətləri Təşkilatının Daxili İşlər Nazirlərinin 1-ci Toplantısı keçirilib.

Bu barədə Türkiyə XİN Ali Yerlikaya “X” platformasındakı paylaşımında bildirib.

Məlumatda bildirilir ki, Toplantıda Azərbaycan Respublikasının daxili işlər naziri Vilayət Eyvazov, Qazaxıstan Respublikasının daxili işlər naziri Erjan Sadenov, Qırğız Respublikasının daxili işlər naziri Ulan Niyazbekov və Özbəkistan Respublikasının daxili işlər naziri Pulat Bobojonov və Türk Dövlətləri Təşkilatının Baş katibi Kubanıçbek Omurəliyev iştirak edib.