Tramp İranı bombalayacaq və yeni sanksialar tətbiq edəcək

Nüvə razılaşması əldə olunmasa, ABŞ iki həftə ərzində İrana təkrar rüsumlar tətbiq edəcək.  

ABŞ prezidenti Tramp Tehranın nüvə proqramı ilə bağlı Vaşinqtonla razılığa gəlmədiyi təqdirdə İranı bombardmanlarla və əlavə rüsumlarla hədələyib. O, həmçinin iki ölkə rəsmilərinin danışıqlar apardığını deyib, lakin detallara varmayıb.

"Əgər onlar razılığa gəlməsələr, əvvəllər heç vaxt görmədikləri bombardımanlar baş verəcək", - Ağ Ev rəhbəri deyib.

Daha sonra "Air Force One" telekanalında jurnalistlərə açıqlama verən Tramp Tehranın razılığa gəlib-gəlməməsindən asılı olaraq əlavə rüsum tariflərinə qərar verəcəyini bildirib.

"Yəqin ki, bir neçə həftə gözləyəcəyik və heç bir irəliləyiş görməsək, onları tətbiq edəcəyik. Hazırda onlardan istifadə etmirik. Amma xatırlayırsınızsa, bunu 6 il əvvəl etmişdim və çox yaxşı nəticə vermişdim", - dedi.

İranın ali dini lideri Əli Xamenei ABŞ-ın ölkəyə xaricdən hücum edə biləcəyinə inanmadığını, lakin Vaşinqton İslam Respublikası daxilində üsyanı qızışdırmağa çalışarsa, sərt cavab alacağını deyib.

"Onlar pis iş görəcəkləri ilə hədələyirlər, amma biz hesab etmirik ki, kənardan pislik edəcəklər. Amma belə etsələr də, bizim cavabımız sərt olacaq. Əgər qəflətən ölkə daxilində üsyan qaldırmağa qərar versələr, İran xalqı onlara cavab verəcək", - o, Ramazan bayramı xütbəsi zamanı deyib.