ANSTV
ANSÇM
Tramp Suriya rəhbəri Əl-Şaraa ilə telefonla danışıb
Bu barədə SANA informasiya agentliyi xəbər yayıb
1 dəqiqə
Trampla söhbətində Əl-Şaraa: "Bölgədəki böhranların öhdəsindən gəlməyin yeganə yolu "aktiv diplomatiyadır"
Suriya və ABŞ prezidentləri Əl-Şaraa və Tramp telefonla danışıblar.
Onlar Suriyadakı keçid dövründəki inkişafları, təhlükəsizliyin gücləndirilməsi səylərini və regional və beynəlxalq sabitliyin təmin edilməsi üçün ölkələr arasında ikitərəfli əməkdaşlıq perspektivlərini müzakirə ediblər. Suriya lideri vurğulayıb ki, regiondakı böhranların öhdəsindən gəlməyin yeganə yolu aktiv diplomatiyadır.
Tramp öz növbəsində Suriya ilə SDF arasında atəşkəsi alqışlayıb və sonuncunun rəsmi dövlət qurumlarına inteqrasiyası ilə bağlı razılaşmaları tərifləyib. O, həmçinin Vaşinqtonun ölkədə investisiya qoymağa və kapital üçün cəlbedici mühit yaratmağa hazır olduğunu ifadə edərək, Suriyanın iqtisadi sabitliyinin Yaxın Şərqdə "sabitliyin təməl daşı" olduğunu vurğulayıb.
