ANS Press
ANSTV
ANSÇM
1 dəqiqə
09:18
Çin Sədri Si Cinpin və ABŞ Prezidenti Donald Tramp arasında Pekində keçirilən görüş başa çatıb.
Çin Mərkəzi Televiziyasının məlumatına görə, danışıqlar Böyük Xalq Yığıncaqları Zalında baş tutub.
Görüşdə "Tesla" və "Apple" də daxil olmaqla, ABŞ-nin bir neçə böyük şirkətinin rəhbərləri də iştirak edib.
Məlumata görə, danışıqlar iki saatdan bir qədər çox davam edib.
VİDEO
***
06:30
Çində ABŞ Prezidenti Donald Tramp və Çin lideri Si Cinpin arasında yüksək səviyyəli görüş başlayıb.
Rəsmi qarşılama mərasimində əvvəlcə ev sahibi Pekinin mərkəzindəki Böyük Xalq Zalının qarşısında Prezident Trampı salamlayıb. Daha sonra iki lider dövlət himnlərinin müşayiəti altında fəxri qarovul dəstəsinin yanından keçib. Tramp dövlət rəsmiləri və ABŞ şirkətlərinin vəzifəli şəxslərindən ibarət nümayəndə heyətini Cinpinə təqdim edib.
Daha sonra tərəflər görüş üçün Böyük Xalq Zalına yollanıblar.
Görüşdə müzakirələrin əsasən ticarət və investisiya istiqamətində olacağı və eyni zamanda, Yaxın Şərqdəki vəziyyətin də müzakirə ediləcəyi gözlənilir.
