ANSTV
ANSÇM
Türkiyə Azərbaycan elektrikinin ən böyük alıcısıdır
Bu barədə energetika nazirinin müavini Elnur Soltanov danışıb
1 dəqiqə
Son illər Azərbaycan elektrik enerjisinin böyük hissəsini Türkiyəyə ixrac edir.
Azərbaycan Respublikası energetika nazirinin müavini Elnur Soltanov “Anadolu” agentliyinə bildirib ki, elektrik enerjisi Gürcüstan ərazisindən ötürülür, gələcəkdə isə Naxçıvan vasitəsilə ixrac təşkil olunacaq.
Naxçıvanın bərpa olunan enerji mənbələri üzrə yüksək potensialı var - 6 QVt-a qədər, onun 1 QVt-ı Türkiyəyə ixrac oluna bilər.
Nazir müavini Cəbrayılda 330 kVt-lıq yarımstansiyanın tikintisini də xatırladıb ki, bu da ölkənin əsas ərazisinin NMR-ə birləşdirilməsində əsas həlqə olacaq.
Onun sözlərinə görə, bu xətt Zəngəzur və ya Araz dəhlizi və ya bu marşrutların hər ikisi ilə Naxçıvana birləşdiriləcək.
"Bununla da muxtar respublikanın enerji təhlükəsizliyi təmin olunacaq, elektrik enerjisi Naxçıvan vasitəsilə Türkiyəyə ötürüləcək", - Soltanov vurğulayıb.
