ANS Press

ANS Press

Jan 7, 2026 - 12:19 Yeniləndi: Jan 7, 2026 - 13:05

XƏBƏRLƏR / Din

Türkiyə dövləti erməni kilsəsinin bərpasına dəstək verəcək

Bu barədə Konstantinopol erməni kilsəsinin Patriarxı, arxiyepiskop Sahak Maşalyan xəbər verib

Türkiyə dövləti erməni kilsəsinin bərpasına dəstək verəcək

  • Oxuma müddəti:

    1 dəqiqə

    • Türkiyə Mədəniyyət və Turizm Nazirliyi "Qırx Məzlum" erməni kilsəsinin bərpasına dəstək verəcək. Bu barədə Konstantinopol erməni kilsəsinin Patriarxı, arxiyepiskop Sahak Maşalyan 6 yanvarda Milad bayramı münasibətilə keçirilən icma qəbulu zamanı bildirib.

    XIX əsrin sonlarında tikilmiş və Türkiyənin cənubundakı Hatay əyalətinin İskəndərun rayonunda yerləşən kilsə 2023-cü ilin fevral ayında Türkiyə-Suriya sərhədində baş verən 7,8 bal gücündə zəlzələ nəticəsində zərər görüb.

    Patriarx Maşalyan 2025-ci ilin dekabr ayında Ankaraya səfəri zamanı Türkiyənin Mədəniyyət və Turizm naziri Mehmet Nuri Ersoy ilə zərər çəkmiş kilsəni müzakirə edib.

    İstanbulda Müqəddəs Ana erməni kilsəsinin bitişik salonunda icma təşkilatlarının nümayəndələri ilə görüşdə Ankaraya səfərinin nəticələrini də təqdim edən Patriarx "Qırx Məzlum" kilsəsinin bərpasının Türkiyə Mədəniyyət və Turizm Nazirliyinin dəstək proqramına daxil olduğunu açıqlayıb.