Türkiyə Ermənistanla sərhədi açarsa...

İrəvanın ticarət dövriyyəsi 10 dəfə artacaq

Oxuma müddəti:

1 dəqiqədən az

Ermənistanla Türkiyə arasında sərhəd açılsa, ticarət dövriyyəsinin həcmi 10 dəfə artacaq.

“Sputnik Armenia” xəbər verir ki, bu barədə Ermənistanın İqtisadiyyat Nazirliyindən bildirilib.

Nazirlik bəyan edir ki, Türkiyə ilə quru sərhədinin açılması ilə bağlı məlumat yoxdur və bu kifayət qədər mürəkkəb prosesdir.

Statistikaya əsasən, ölkənin xarici ticarət dövriyyəsində Ermənistan-Türkiyə ticarətinin payı 1 faizdir, lakin İrəvanla Ankara arasında ticarət əlaqələri normallaşandan sonra bu rəqəm 10 faiz və daha çox ola bilər.

Həmçinin əlavə olunub ki, Asiya İnkişaf Bankının (AİB) proqnozuna görə, Azərbaycan və Türkiyə ilə sərhədin açılacağı təqdirdə Ermənistanın xarici ticarət kəsiri təqribən 30-50 faiz azalacaq.