Antiterror əməliyyatı zamanı 9 türk əsgəri şəhid olub

06:27

İraqın şimalında “Pəncə-Kilid” əməliyyatı bölgəsində Türkiyə ordusunun mövqelərinə terrorçuların hücumu zamanı şəhid olan hərbçilərin sayı 9 nəfərə çatıb.

Bu barədə Türkiyənin Milli Müdafiə Nazirliyi "X" sosial şəbəkəsindəki hesabında məlumat yayıb.

Nazirlik qeyd edib ki, həkimlərin səyinə baxmayaraq, daha 1 yaralı hərbçi dünyasını dəyişib.

Bundan əvvəl 8 əsgərin şəhid olduğu bildirilmişdi.

02:27

Türkiyə Silahlı Qüvvələrinin İraqın şimalında apardığı “Pəncə-Kilid” antiterror əməliyyatı zamanı 8 türk əsgəri şəhid olub, 5 əsgər yaralanıb.

Bu barədə Türkiyənin Milli Müdafiə Nazirliyi açıqlama yayıb.

İlkin məlumata görə, əməliyyatın gedişində 15 terrorçu zərərsizləşdirilib.

***

00:25

Türkiyə ordusunun altı əsgəri şəhid olub.

Bu barədə Türkiyənin Milli Müdafiə Nazirliyi (Türkiyə MMN) məlumat yayıb.

Bildirilir ki, terrorçuların hücumu nəticəsində İraqda Türkiyə ordusunun 2-si ağır olmaqla 7 əsgəri yaralanıb. Qeyd edək ki, Türkiyə MMN 5 hərbçinin şəhid olduğu, 8-nin də ağır yaralandığını bildirmişdi. Lakin yaralı hərbçilərdən birini xilas etmək mümkün olmayıb.

İlkin məlumata görə, toqquşma zamanı 12 terrorçu zərərsizləşdirilib.

Bölgədə əməliyyat davam edir.