ANS Press

ANS Press

Avqust 18, 2024 - 23:05 Yeniləndi: Avqust 18, 2024 - 23:06

XƏBƏRLƏR / Qonşular

Türkiyədə bütün meşə yanğınları nəzarət altına alınıb

Bunu Türkiyənin kənd və meşə təsərrüfatı naziri İbrahim Yumaklı deyib

Türkiyədə bütün meşə yanğınları nəzarət altına alınıb

  • Oxuma müddəti:

    1 dəqiqədən az

    • Türkiyəni son 4 gündə cənginə alan bütün meşə yanğınları nəzarət altına alınıb.

    Bunu Türkiyənin kənd və meşə təsərrüfatı naziri İbrahim Yumaklı bildirib.

    Onun sözlərinə görə, indiyədək baş verən 247 meşə yanğınından 241-i nəzarət altına alınıb.

    Bundan əvvəl Yumaklı İzmir vilayətində 3 böyük yanğının nəzarət altına alındığını bildirmişdi. Bölgədə ümumilikdə 4 mindən çox insan təxliyə edilib. Ölən və yaralananlar barədə məlumat verilmir. Daxili işlər naziri Ali Yerlikaya şənbə günü yanğınlara görə 7 nəfərin həbs edildiyini açıqlayıb.