Türkiyənin F-35 proqramına qayıtması ilə bağlı açıqlama
Ağ Evin nümayəndəsi Con Kirbi danışır
![Türkiyənin F-35 proqramına qayıtması ilə bağlı açıqlama](/uploads/images/2024/02/rs/image_750x_65bb219106dad-750-1080-resize.webp)
Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi ABŞ-ın S-400-lərlə bağlı narahatlığını aradan qaldıracağı təqdirdə Türkiyənin yenidən F-35 proqramına qoşulmasının mümkün olduğunu bildirib.
Kirbi bu barədə gündəlik mətbuat brifinqində F-35-lərlə bağlı sualı cavablandırarkən deyib.
Kirbi Türkiyəyə F-16 satdıqdan sonra bu ölkənin F-35 proqramına qayıda biləcəyi sualına cavab verərkən deyib ki, hazırda bu mövzuda heç bir dəyişiklik yoxdur: “Bu mövzuda danışıqlarımız davam edir. Türkiyə bu mövzuda narahatlıqlarımızı aradan qaldıra bilsə, o zaman F-35 proqramındakı iştirakı bərpa edilə bilər”.
Türkiyədə danışıqlar aparan ABŞ dövlət katibinin müavini vəzifəsini icra edən Viktoriya Nuland Rusiyadan alınan S-400 raketdən müdafiə sistemi ilə bağlı vəziyyətin həll olunacağı təqdirdə Türkiyəni yenidən F-35 proqramına qəbul etməkdən məmnun olacaqlarını bildirib.