Ukrayna Azərbaycanla "Dron Sazişi" İmzaladı

Bu barədə Ukrayna Milli Təhlükəsizlik və Müdafiə Şurasının katibinin müavini "The Guardian"a müsahibəsində bildirib

Oxuma müddəti:

1 dəqiqə

Ukrayna Milli Təhlükəsizlik və Müdafiə Şurasının katibinin müavini David Aloyan bildirib ki, Kiyev son aylarda altı ölkə ilə - Azərbaycan, Latviya və Litva, eləcə də üç Yaxın Şərq ölkəsi ilə - Səudiyyə Ərəbistanı, BƏƏ və Qətərlə "Dron Sazişləri" imzalayıb.

"Bu təşəbbüs dron sazişi adlanır, amma əslində o, sadəcə dronlardan daha çox şeyi əhatə edir... Daha da vacibi təcrübə və bilik, eləcə də Ukraynada bu sistemi təşkil edən bütün komponentlərə çıxışdır", - deyə o, "The Guardian" qəzetinə verdiyi müsahibədə qeyd edib. Kiyev həmçinin bu ilin sonuna qədər ən azı yeddi NATO ölkəsi ilə oxşar sazişlər bağlamağa ümid edir.

"Dron Sazişi" Ukrayna və əsas tərəfdaşlar arasında ikitərəfli əməkdaşlıq üçün beynəlxalq proqram və formatdır. Bu proqram Ukrayna dronlarını birgə istehsal etməyi, inkişaf etdirməyi və ixrac etməyi, eləcə də bu sahədə qabaqcıl döyüş təcrübəsini bölüşməyi hədəfləyir.