Putinlə Stiven Uitkof arasında görüş keçirilib YENİLƏNİB

09:48

Donald Tramp Rusiya Prezidentini Ukraynada atəşkəslə bağlı "hərəkətə getməyə" çağırdığı bir vaxtda ABŞ nümayəndəsi Stiv Uitkoff cümə günü Sankt-Peterburqda Vladimir Putinlə görüşüb.

Bu barədə BBC yazır.

Kreml görüşün dörd saatdan çox davam etdiyini və "Ukrayna nizamlanmasının aspektləri"nin müzakirə edildiyini bildirib. Uitkoffun bu il Putinlə üçüncü olan danışıqlarını xüsusi elçi Kirill Dmitriyev “məhsuldar” adlandırıb.

Tramp danışıqların vəziyyətinə görə Putindən məyus olduğunu bildirib. Cümə günü o, sosial mediada yazıb: "Rusiya hərəkətə keçməlidir. Dəhşətli və mənasız müharibədə həftədə minlərlə insan ölür".

Bu, Trampın Ukrayna üzrə elçisi Keyt Kelloqun ölkənin bölünə biləcəyi təklifini təkzib etdiyi vaxta təsadüf edir.

***

11 aprel 2025-ci il

21:36

Rusiya Prezidenti Vladimir Putinlə ABŞ Prezidentinin xüsusi elçisi Stiven Uitkof arasında görüş Sankt-Peterburqda keçirilir.

Danışıqlar Sankt-Peterburqdakı Prezident Kitabxanasında aparılır.

Rusiya dövlət rəhbərinin mətbuat katibi Dmitri Peskovun sözlərinə görə, bu, Putinin Uitkofla artıq üçüncü görüşüdür. Bundan əvvəlki iki görüş Moskvada keçirilib. Danışıqlar bağlı qapılar arxasında keçirilir.