Xəstəxanalar ermənilər üçün hazır vəziyyətə gətirildi
Bu barədə Azərbaycan Prezidentinin köməkçisi Hikmət Hacıyev “X” platformasındakı paylaşımında bildirib
![Xəstəxanalar ermənilər üçün hazır vəziyyətə gətirildi](/uploads/images/2023/09/rs/image_750x_651299bbd1d39-750-1080-resize.webp)
Ağdam, Sabirabad və Saatlı rayonlarındakı xəstəxanalar Xankəndidən xeyli sayda xəstənin qəbulu üçün hazır vəziyyətə gətirilib.
Bu barədə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “X” platformasındakı paylaşımında bildirib.
Hikmət Hacıyev qeyd edib:
- Biz humanitar ehtiyaclara yerlərdə cavab vermək üçün BQXK ilə, həmçinin Qarabağın erməni əhalisinin nümayəndələri ilə müntəzəm əlaqə saxlayırıq.
- Dünəndən etibarən Azərbaycanın Ağdam, Sabirabad və Saatlı rayonlarının xəstəxanaları Xankəndindən xeyli sayda xəstələrin qəbulu üçün gücləndirilib və bu xəstəxanalar əlavə tibb işçiləri ilə gücləndirilib.
- Yanıqların müalicəsi üçün xüsusi olaraq dərmanlar və digər tibbi ləvazimatlar göndərilib. Bundan əlavə, ərzaq yardımı da çatdırılıb. Bu gün də, yaxın günlərdə də davam edəcək.
- Ermənistandan Qarabağa tibbi yardıma ehtiyacı olan insanların daşınması və yerdə tibbi yardımın göstərilməsi üçün həkim briqadası olan helikopterin çıxışı təmin edilib.
- Hazırda biz BQXK-nın Gorus-Qafan-Eyvazlı-Füzuli-Şuşa-Xankəndi yolu ilə tibbi evakuasiya və humanitar yardımın çatdırılması üçün eksklüziv çıxışını təmin etmək üçün çalışırıq”.