Xiyabanda özlərini heyvan kimi aparan əcnəbilər saxlanıldı

Bir qrup əcnəbi vətəndaş Şəhidlər Xiyabanında istehza xarakterli videolar çəkərək internetdə yayımlayıb YENİLƏNİB

Oxuma müddəti:

1 dəqiqə

12:22

DİN-in Mətbuat Xidməti nalayiq hərəkətlər haqda rəsmi məlumat yaydı:

Avqustun 17-də 3 nəfər əcnəbi şəxsin Şəhidlər xiyabanında nalayiq hərəkətlər etməklə çəkdikləri videogörüntünü sosial şəbəkələrdə paylaşmaları barədə araşdırmalar aparılıb.

DİN-in Mətbuat Xidmətindən bildirildi ki, araşdırmalar zamanı həmin şəxslərin avqustun 13-də Bakı şəhərinə turist kimi 5 günlük gəldikləri, çəkdikləri videonu sosial şəbəkələrdə yaydıqları müəyyən edilib.

Faktla bağlı cinayət məcəlləsinin 245-ci (Qəbir üzərində təhqiredici hərəkət) maddəsilə cinayət işi başlanılıb.

Polis əməkdaşları tərəfindən görülmüş tədbirlərlə hər 3 şəxs saxlanılaraq istintaqa cəlb ediliblər.

Başlanan cinayət işi üzrə istintaq hərəkətləri davam etdirilir.

11:16

Bakıda bir qrup əcnəbi vətəndaş Şəhidlər Xiyabanında istehza xarakterli videolar çəkərək internetdə yayımlayıb.

Görüntülər sosial şəbəkələrin Azərbaycan seqmentini hiddətləndirib. İstifadəçilərin sözlərinə görə, videolar ərəb ölkələrindən gələn turistlər tərəfindən lentə alınıb.