ANSTV
ANSÇM
Yanğın zamanı 60 uşaq təxliyə olunub
Bu barədə TƏBİB-in icraçı direktorunun müavini Anar İsrafilov deyib
1 dəqiqə
Respublika Perinatal Mərkəzdə baş verən yanğın zamanı 60 uşaq təxliyə olunub, vəziyyətləri nəzarətdədir.
Bu barədə Tibbi Ərazi Bölmələrini İdarəetmə Birliyinin (TƏBİB) icraçı direktorunun müavini Anar İsrafilov Respublika Perinatal mərkəzdəki yanğından sonra təxliyə edilənlərin son durumu haqqında danışarkən deyib.
Onun sözlərinə görə, hazırda təxliyə edilənlərin vəziyyəti tam nəzarətdədir: "Onların müalicələri davam etdirilir. Həmin uşaqların yanıq xəsarətləri yoxdur".
Direktor müavini vurğulayıb ki, Respublika Perinatal Mərkəzi 3-cü səviyyəli doğum tibb mərkəzidir: "Buradakı uşaqlar ya vaxtından öncə doğulub, ya da yanaşı patologiya ilə dünyaya gələn körpələrdir. Onların müalicələri davam etdirilir. Vəziyyətlərində heç bir ağırlaşma müşahidə edilmir”.
Qeyd edək ki, təxliyə olunanlar Kliniki Tibbi Mərkəz, “Yeni Klinika”, Mərkəzi Neftçilər Xəstəxanası, Sabunçu Tibb Mərkəzi, Xətai Tibb Mərkəzinə köçürülüb.
Qeyd edək ki, Respublika Perinatal Mərkəzində baş vermiş yanğında 4 uşaq ölüb, 3 nəfər tüstüdən zəhərlənib
