ANSTV
ANSÇM
Yanvar-mart aylarında qaz ixracı 11,2% artıb
Bu barədə energetika naziri Pərviz Şahbazov “Twitter“ hesabında yazıb
1 dəqiqədən az
Bu ilin birinci rübündə Azərbaycanda neft-kondensat hasilatı 7,7 mln. ton, ixracı isə 6,4 mln. ton olub.
Bu barədə energetika naziri Pərviz Şahbazov “Twitter“ hesabında paylaşım edib.
Onun sözlərinə görə, hesabat dövründə 3% artımla hasil edilmiş 12,2 mlrd. kubmetr qazın 6.5 mlrd. kubmetri ixrac olunub.
“Birinci rübdə operativ məlumatlara əsasən neft-kondensat hasilatı 7.7 mln. ton, ixracı isə 6.4 mln. ton olub. Bu dövrdə 3% artımla hasil edilmiş 12.2 mlrd. m3 qazın 6.5 mlrd. kubmetri ixrac olunub”, - paylaşımda bildirilir.
Paylaşıma əsasən, yanvar-mart aylarında qaz ixracı 11,2% artıb. Avropaya 2,9 mlrd. kubmetr, Türkiyəyə 2,7 mlrd. kubmetr, Gürcüstana isə 0,9 mlrd. kubmetr qaz ixrac olunub. Bu dövrdə TANAP Türkiyəni 1,4 mlrd. kubmetr qazla təchiz edib.
