ANS Press
ANSTV
ANSÇM
1 dəqiqədən az
Görkəmli sovet və rus aktyoru, SSRİ Xalq artisti Yuri Solomin 88 yaşında vəfat edib. İnsult keçirən sənətçi bir neçə gün əvvəl iki ay müalicə olunduğu xəstəxanadan evə buraxılmışdı.
Yuri Solomin 1935-ci il iyunun 18-də Çitada anadan olub. 1961-ci ildən Şçepkin adına Ali Teatr Məktəbində aktyorluq sənətindən dərs deyib. O, “Zati-alilərinin adyutantı”, “Əzablı yollarla”, “TASS bəyan etməyə səlahiyyətlidir” və digər filmlərdəki rolları ilə sovet tamaşaçılarının rəğbətini qazanıb, aktyor 60-a yaxın film və serialda rol alıb. Y.Solomin 1990-1991-ci illərdə RSFSR-nin mədəniyyət naziri olub.
Artur Konan Doylun hekayələrinin sovet filminə uyğunlaşdırılmasında Doktor Vatson rolunu oynayan kiçik qardaşı Vitali Solomin 2002-ci ildə vəfat edib.
Y.Solominlə vida mərasimi onun uzun illər bədii rəhbəri olduğu Malı Teatrda olacaq.
