Zakir Həsənov iranlı həmkarına başsağlığı verib
Başsağlığı İran SQ Baş Qərargah rəisi general-leytenant Məhəmməd Hüseyn Baqeriyə ünvanlanıb
![Zakir Həsənov iranlı həmkarına başsağlığı verib](/uploads/images/2024/05/rs/image_750x_664b38d004939-750-1080-resize.webp)
Azərbaycanın müdafiə naziri Zakir Həsənov İran Silahlı Qüvvələrinin Baş Qərargah rəisi general-leytenant Məhəmməd Hüseyn Baqeriyə başsağlığı ünvanlayıb.
Başsağlığında deyilir: "Qardaş İran İslam Respublikası Silahlı Qüvvələrinə məxsus helikopterin qəzaya uğraması nəticəsində İran İslam Respublikasının Prezidenti cənab İbrahim Rəisinin və onu müşayiət edən nümayəndə heyətinin həlak olması haqqında xəbər məni dərindən kədərləndirdi.
Faciəvi qəza zamanı bütün həlak olanların yaxınlarının və əzizlərinin kədərinə şərik olduğumuzu bildirir, Allahdan səbir diləyirik.
Ruhları şad, xatirələri əziz olsun."