ANS Press

ANS Press

Mart 17, 2023 - 10:45 Yeniləndi: Mart 17, 2023 - 12:21

XƏBƏRLƏR / Kriminal

Zaqatalada kişi keçmiş arvadına tüfəngdən atəş açıb

Fakta görə Zaqatala rayon prokurorluğunda cinayət işi başlanıb

Zaqatalada kişi keçmiş arvadına tüfəngdən atəş açıb

  • Oxuma müddəti:

    1 dəqiqədən az

    • Zaqatalada keçmiş arvadını öldürməkdə şübhəli bilinən şəxs könüllü olaraq istintaqa təslim olub.

    Zaqatala rayon prokurorluğundan verilən məlumata görə, martın 17-si saat 09 radələrində 1989-cu il təvəllüdlü Firəngiz Yusifovanın ölməsi barədə rayon prokurorluğuna məlumat daxil olub.

      İlkin araşdırma zamanı 1985-ci il təvəllüdlü Məhəmməd Didiyevin Zaqatala şəhərində yerləşən mənzillərdən birində keçmiş arvadı Firəngiz Yusifovanı odlu silahla atəş açaraq qəsdən öldürməsinə əsaslı şübhələr müəyyən edilib.

      Məhəmməd Didiyev hadisədən sonra könüllü olaraq istintaqa təslim olub və şübhəli şəxs qismində saxlanılıb.

      Fakta görə Zaqatala rayon prokurorluğunda Cinayət Məcəlləsinin 120.1 (qəsdən adam öldürmə) maddəsilə cinayət işi başlanıb.

      İbtidai istintaq davam edir.