ABŞ və İsrail İranın hərəkətlərini müzakirə edir

ABŞ Dövlət katibi Antoni Blinken və İsrailin xarici işlər naziri Eli Kohen telefonla danışıblar

Oxuma müddəti:

1 dəqiqədən az

ABŞ Dövlət katibi Antoni Blinken və İsrailin xarici işlər naziri Eli Kohen arasında telefon danışığı olub və “İran da daxil olmaqla” ümumi məsələləri müzakirə ediblər.

Bu barədə JNS nəşri məlumat yayıb.

Söhbət zamanı Blinken ABŞ və İsrail arasında güclü ikitərəfli münasibətlərin vacibliyini bir daha təsdiqləyib.

Tərəflər ümumi məsələləri, o cümlədən İranı, eləcə də İsrailin gələcək regional inteqrasiyası kimi qarşılıqlı maraqların təşviqi istiqamətində fəaliyyətləri müzakirə ediblər.

ABŞ Dövlət katibi həmçinin Aqaba və Şarm əl-Şeyxdə keçirilən görüşlər vasitəsilə israillilər və fələstinlilər arasında gərginliyin azaldılması istiqamətində son səyləri alqışlayıb və gərginliyi daha da artıran birtərəfli hərəkətlərdən çəkinməyin vacibliyini vurğulayıb.