ABŞ-da 41 milyon sakin qar fırtınasından əziyyət çəkir FOTO

Bu barədə NBC News məlumat yayıb

Oxuma müddəti:

1 dəqiqədən az

NBC News-un məlumatına görə, Merilenddən Menə qədər ABŞ-ın şimal-şərqində 41 milyondan çox sakin qar fırtınası səbəbindən ağır hava şəraiti ilə üzləşib.

Pensilvaniya, Rod-Aylend, Konnektikut, Nyu-York, Nyu-Cersi və digər ştatlarda fövqəladə vəziyyət elan edilib. Yerli hakimiyyət orqanları nəqliyyatın hərəkətinə məhdudiyyətlər tətbiq edib və məktəblər ləğv edilib.

Bəzi ərazilərdə 70 sm-dən çox qar yağacağı və küləyin sürətinin 30 m/s-dən çox ola biləcəyi gözlənilir.

22 fevralda ABŞ-da 3400 uçuş ləğv edilib, daha 7300 uçuş təxirə salınıb. 162 mindən çox müştəri elektriksiz qalıb, ən ciddi elektrik kəsintiləri Nyu-Cersi və Delaver ştatlarında qeydə alınıb.