ABŞ və Cənubi Koreya təlimlərə başlayıb
Təlimlərdə F-18 və F-35 qırıcılarından istifadə edilir
![ABŞ və Cənubi Koreya təlimlərə başlayıb](/uploads/images/2024/07/rs/image_750x_669f610e92d20-750-1080-resize.webp)
ABŞ və Cənubi Koreya silahlı qüvvələri F-18 və F-35 qırıcılarından istifadə etməklə birgə hava təlimlərinə başlayıb. Cənubi Koreya tərəfi də F-16, FA-50, KA-1 və F-15K təyyarələrindən istifadə edəcək.
"Yonhap" agentliyi xəbər verir ki, təlim avqustun 8-dək davam edəcək. Təlim zamanı Seulun cənubundakı Suvon şəhərindəki aviabazadan istifadə olunacaq.
Məlumata görə, təlimlərin keçirilməsində məqsəd KXDR-dən gələn təhlükəni nəzərə alaraq, əməkdaşlığı və birgə döyüş imkanlarını gücləndirməkdir.
Təlimlərə müttəfiqlərin hava qüvvələri arasında qarşılıqlı əlaqəni artırmaq üçün qırıcı manevrlər, hava dəstəyi, hava əks-tədbirləri və hava hücumundan müdafiə daxildir.